Chwech diod blasus perffaith ar gyfer her Go Sober

Mae ymgyrch Go Sober for October Cymorth Canser Macmillan yn herio pobl sy’n yfed yn gymdeithasol i roi’r gorau i alcohol am fis.

Bydd yr arian a godir yn helpu Cymorth Canser Macmillan i barhau i ddarparu gwasanaethau. Yng Nghymru, mae hyn yn cynnwys ariannu nyrsys, ffisiotherapyddion, cynghorwyr budd-daliadau lles a chanolfannau gwybodaeth yn rhai o ysbytai Cymru, yn ogystal ag ymgyrchu dros well gofal canser i gleifion. Bydd un mewn tri ohonom yn cael canser, ac mae dros 130,000 o bobl yn byw gyda a thu hwnt i ganser yng Nghymru ar hyn o bryd.

Os ydych chi’n ceisio penderfynu beth i’w yfed nawr nad yw alcohol ar gael am y mis nesaf, dyma chwe syniad ardderchog gan rai o fariau gorau Caerdydd.

www.gosober.org.uk

Piña Colada – gan Grill & Shake, Canolfan y Ddraig Goch, Bae Caerdydd

I weini 2

120ml hufen cnau coco

120ml sudd pinafal

2 gwpanaid o iâ

1. Rhowch yr hufen cnau coco a’r sudd pinafal mewn cymysgydd a’u cyfuno nes eu bod yn llyfn.
2. Arllwyswch dros yr iâ, rhoi sleisen o binafal ffres ar ei ben a’i weini ar unwaith.

Ysgytlaeth mefus – gan Grill & Shake, Canolfan y Ddraig Goch, Bae Caerdydd

I weini 2

300ml o laeth cyflawn

225g mefus ffres

3 pelen o hufen iâ

I addurno

2 fefusen

Hufen wedi’i chwipioWhipped cream

Saws siocled neu fefus

1. Cyfunwch y llaeth, mefus a hufen iâ mewn cymysgydd a throi nes bod y gymysgedd yn llyfn.
2. Arllwyswch i ddau wydr tal wedi eu hoeri.
3. Rhowch yr hufen wedi’i chwipio, mefusen ffres a saws ar ben bob diod a’u gweini ar unwaith.

Mwythau Mefus a Mintys – gan Elliot Ley, goruchwylydd bar a bwyty Marriott Caerdydd

I weini 1

50ml sudd oren

50ml sudd llugaeron

12.5ml sudd ‘gomme’

Cordial cwrens duon

3 mefusen ffres

5 deilen mintys

Sleisen o leim ffres

1. Arllwyswch y cynhwysion i gyd (ac eithrio’r mintys) i gymysgydd a’u troi nes bod yn gymysgedd yn llyfn.
2. Gosodwch y dail mintys mewn gwydr, arllwys y ddiod drostynt ac addurno’r gwydr â gweddill y mintys y mefus a’r sleisen leim. Iechyd da!

Shirley Temple – gan Elliot Ley, goruchwylydd bar a bwyty Marriott Caerdydd

I weini 1

12.5ml cordial blodau’r ysgaw

12.5 ml grenadin

50ml sudd afal

Lemonêd

2 sleisen dew o afal coch

1. Rhowch y sudd afal a’r cordial mewn gwydr ysgwyd a’u cymysgu’n dda.
2. Hidlwch yr hylif i wydr sy’n llawn iâ ac arllwys lemonêd ar ei ben.
3. Yn ofalus, arllwyswch y grenadin dros y ddiod a’i haddurno â’r sleisiau afal. Ffres!

Ffrwythau ffrwydrol, gan Corey Palmer, rheolydd Steinbeck & Shaw, Caerdydd

25ml sudd ffres neu puree granadila (passion fruit)

12.5ml sudd lemon ffres

12.5ml surop grenadin

75ml sudd oren ffres

75ml sudd pinafal ffres

1. Defnyddiwch giwbiau iâ i gymysgu cynhwysion y ddiod a’i hidlo i wydr 15 owns oer tu hwnt.
2. Addurnwch â sleisen oren ac ymbarél bapur a mwynhewch!

Mojito Diniwed gan Polo Venetsianos, Dirprwy Reolydd Bar, Laguna Kitchen and Bar, Caerdydd

2 dalp leim ffres

Siòt o sudd leim

6–8 deilen mintys ffres

Joch o surop siwgr

Siòt ddwbl o sudd afal

Joch o ddŵr soda

Iâ wedi’i falu

Sleisen o lemon i addurno (yn ôl eich dant)

1. Yn gyntaf, rhowch y leim ffres a’r surop siwgr mewn gwydr a’u cymysgu at ei gilydd.
2. Ychwanegwch sudd y leim a’r dail mintys at y gymysgedd a llenwi’r gwydr yn llwyr ag iâ wedi’i falu.
3. Ychwanegwch y sudd afal a chymysgu’r cyfan at ei gilydd.
4. Ychwanegwch ragor o ia a’r dŵr soda.
5. Addurnwch â sleisen lemon a sbrigyn bach o ddail mintys yn ôl eich dant.